නූතන වෙස්සන්තර කෙනෙක්

ඔබට රුපියල් කෝටි ගණනක් තිබුනොත් මොකද කරන්නේ? හොඳ ගෙයක් ගන්නවද? සුඛෝපභෝගී වාහනයක් ගන්නවද? ලෝකෙ වටේ සවාරියක් යනවද? කරමින් සිටි රස්සාවට නිවාඩු දීලා ගෙදර ඉන්නවද? හැමදාම තරු පහේ හෝටල් වලින් කෑම කනවද? දරුවන්ට අති වෙන්න සල්ලි ඉතිරි කරලා ඉතිරිය පිනට දෙනවද? එහෙම නැත්නම් සල්ලි ඔක්කොම පිනට දෙනවද?

Yu Pengnion(ඩොලර්) ප්‍රකෝටිපතියෙක් (billionaire) වන චීන ජාතික යූ  පෙංග්නියන් (Yu Pengnian)  මේ ප්‍රශ්නෙට ලබාදී තිබෙන්නේ සාමාන්‍යයෙන් කෙනෙක් නොසිතන පිළිතුරක්. ඒ ඔහු සතු සෑම දෙයක්ම පිනට දීමට තීරණය කිරීමයි. පසුගිය සතියේ ඔහු ඩොලර් මිලියන 470 ක් වටිනා මුදල් සහ දේපල යූ පෙංග්නියන් පදනමට (Yu Pengnian Foundation) පරිත්‍යාග කරමින් කියා සිටියේ මේ තමන්ගේ අන්තිම පරිත්‍යාගය බවයි. මෙයින් පසු දන් දෙන්නට දෙයක් තමා සතුව නැතිබව ඔහු කියා සිටියා.

යූ පෙංග්නියන් පදනමට ඩොලර් මිලියන 260 ක මුදලක් බැංකුවේ තැන්පත්ව ඇති අතර පදනමට අයිති ඩොලර් බිලියන එකක වටිනාකමැති දේපල වලින් වසරකට ඩොලර් මිලියන 50 ක පමණ ආදායමක් ලැබෙතැයි විශ්වාස කරනවා. එම පදනමින් සෞඛ්‍ය, අධ්‍යාපනය සහ ආපදා සහන සැපයීම ආදී ක්ෂේත්‍ර සඳහා ප්‍රදාන කරනු ඇති.

88 හැවිරිදි යූ හෝටල් සහ ඉඩකඩම් ව්‍යාපාරයෙන් ධනය ඉපයූවෙක්. ඔහු මෑතදී කළ පරිත්‍යාගයත් සමඟ ඔහු පරිත්‍යාග කළ මුළු වත්කම ඩොලර් බිලියන 1.2 ක්. (රුපියක් කෝටි 13,000 කටත් වැඩියි.) තම දරුවන්ට මුදල් ඉතිරි නොකිරීම ගැන යූ ගේ අදහස මෙයයි. “මගේ දරුවන් මට වඩා දක්ෂ නම් ඔවුන්ට විශාල මුදලක් ඉතිරි කිරීම අනවශ්‍යයි. ඔවුන් අදක්ෂනම්, විශාල මුදලකින් ඔවුන්ට වෙන්නේ අයහපතක් පමණයි.”

යූ, චීනයේ අංක එකේ පරාර්ථකාමියා (philanthropist) ලෙසයි සැලකෙන්නේ. චීනයේ වෙසෙන ප්‍රකෝටිපතියන් තම ධනය පරිත්‍යාග කිරීමට පෙළඹවීම ඔහුගේ අරමුණක්. “මගේ වත්කම අනෙක් (ධනවතුන්ගේ) ධනයත් සමඟ සසඳනකොට බාල්දියක තියන දිය බිඳක් වගෙයි. ඒත් මගේ දැක්ම ඔවුන්ට වඩා බොහොම වෙනස්. මම දරුවන්ට ධනය ඉතුරු කර යන්නේ නෑ.” යැයි යූ පවසනවා.

චීනය ප්‍රකෝටිපතියන් සැලකිය යුතු ප්‍රමාණයක් බිහි කිරීමට සමත් වී තිබෙනවා. චීනයේ වෙසෙන ධනවතුන්ගෙන් 97% ක් ම ධන පරිත්‍යාගයේ යෙදෙන බව වාර්තා වෙනවා.

යූ තවමත් වැඩ කරන අතර වැඩි වෙලාවක් යෙදවෙන්නේ පරිත්‍යාගශීලී වැඩ සඳහා බවයි කියැවෙන්නේ.

Advertisements

4 thoughts on “නූතන වෙස්සන්තර කෙනෙක්”

  1. “මගේ දරුවන් මට වඩා දක්ෂ නම් ඔවුන්ට විශාල මුදලක් ඉතිරි කිරීම අනවශ්‍යයි. ඔවුන් අදක්ෂනම්, විශාල මුදලකින් ඔවුන්ට වෙන්නේ අයහපතක් පමණයි.,

    කොච්චර ඇත්ත කියමනක්ද……..මෙහෙම අය අපේ දේශපාලුවන් හොද පාඩමක් නේද….

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )