දෙසැම්බර් 5 ද මැයි 12 ද?

ඇමරිකාවෙ ඉඳන් ලංකාවට එද්දි මගෙ ගමන් බලපත්‍රයෙ කල් ඉකුත්වීමේ දිනය නිසා වෙන්න ගිය ඇබැද්දියක් තිබුනා කියලා කලින් කිව්වනෙ. ඒක අනුරාධ රත්නවීරසිද්ද වෙන්න ගියා වගේ වලංගු කාලය දිගු කළ පිටුව නොබලා කල් ඉකුත් වෙලා කියලා කිව්ව සිද්ධියක් නම් නෙවෙයි.

මගෙ ගමන් බලපත්‍රය කල් ඉකුත් වෙන්න තිබුනෙ 2010 දෙසැම්බර් 5. ගුවන්තොටුපොලට ගියාම එතැන නිලධාරීන් ගමන් බලපත්‍රය අරන් පරීක්ෂා කරල බලනවනෙ. මගෙ ගමන් බලපත්‍රය අරන් පරීක්ෂා කරපු නිලධාරියා කිව්වා ‘මේකෙ කල් ඉකුත්වෙලා (අවලංගුයි)’ කියලා. (සිංහලෙන් නෙවෙයි කිව්වෙ.) එහෙම කියලා ඔහු ඉහල නිලධාරිණියවත් එතැනට ගෙන්න ගත්තා.

ඔහු එහෙම කියන්න හේතුව තමා ගමන් බලපත්‍රයෙ අවලංගු වෙන දිනය විදියට සඳහන් වෙලා තිබ්බෙ 05/12/2010 කියල නිසා. ඇමරිකාවෙ දිනය ලියන්නෙ ලංකාවෙ ලියනවා වගේ දිනය/මාසය/අවුරුද්ද පිලිවෙලට නෙවෙයි, මාසය/දිනය/අවුරුද්ද පිලිවෙලට නිසයි. ඒ නිලධාරියා මගෙ ගමන් බලපත්‍රයෙ කල් ඉකුත් වෙන දිනය විදියට තේරුම් අරන් තිබුනෙ දෙසැම්බර් 5 නෙවෙයි, මැයි 12 කියලයි. (මම ආවෙ ජුනි මාසෙනෙ.)

මම ඕක තේරුම් කරන්න උත්සාහ ගනිද්දි තවත් නිලධාරියෙක් ‘අපිට මාස හයක් වෙනකම් කල් ඉකුත් වුන සිද්ධි හසුරවන්න පුළුවන් නේද?’ කියලා අහගෙන එතැනට ආවා. දැන් නිලධාරියො ගොඩයි. ලොකු නිලධාරිණිය ‘නෑ නෑ.. මෙයා කියනවනෙ මේ ලියල තියෙන්නෙ මැයි 12 නෙවෙයි දෙසැම්බර් 5 කියලා’ කියල ගමන් බලපත්‍රය අතට අරන් හොඳින් බලන්න ගත්තා (කොහෙ හරි මේ දිනය ලියල තියන පිළිවෙල dd/mm/yyyy කියල සඳනන්ව තියනවද කියල වෙන්න ඇති.)

දිනේ ලියල තියන පිළිවෙල ගැන සඳහනක් නැති වුනත්, හොඳ වෙලාවට ඒ නිලධාරිණියම හොයාගත්තා මගෙ උපන් දිනය වන 18 වෙනිදා ලියල තියෙන්නෙත් දවස මුලින් කියලා. මුලින් 18 තියනකොට ඒක මාසෙ වෙන්න බැරි බව ඇයට වැටහුන නිසා ප්‍රශ්නෙ විසඳුනා. ඊට පස්සෙ මගෙ ගමන් බලපත්‍රය එතැන හිටපු හැම නිලධාරියටම පෙන්නලා තේරුම් කරල දෙන්නත් ඇය අමතක කළෙ නෑ.

හොඳ වෙලාවට මගෙ උපන් දිනේ 12 වෙනිදායින් පස්සෙ දවසක් වුන නිසා වැඩේ ගොඩ ගියා. මාසෙ මුල දවසක් වුනානම් ඒත් අමාරුවෙ වැටෙනවා.

ලෝකෙ විවිධ රටවල දිනය ලියල පිළිවෙල වෙනස් බව අපේ රටේ ආගමන-විගමන දෙපාර්තමේන්තුවේ නිලධාරීන් නොදන්නවද මන්දා. (ඔවුන්ගෙ හොඳ වගේම වැරදිත් පෙන්නලා දෙන්න ඕනෙනෙ.) ගමන් බලපත්‍රයේ දින සටහන් කරද්දි ලියන පිළිවෙල dd/mm/yyyy කියලා එතැනම සටහනක් කළානම් හෝ දිනය 12 December 2010 වගේ මාසය අකුරෙන් සටහන් කළානම් හෝ කිසි ගැටළුවක් වෙන්නෙ නෑ.

ගමන් බලපත්‍ර නිර්මාණයේදී මේ කාරණයත් සැලකිල්ලට ගන්නවානම් මට වගේ ඇබැද්දි වලට ලක් වෙන්න වෙන කාටවත් සිදු වෙන එකක් නෑ.

Advertisements

“දෙසැම්බර් 5 ද මැයි 12 ද?” වෙත සිතුවිලි 7ක්

  1. ඇමරිකාවෙ උන් නෙ වරද්දගෙන තියෙන්නෙ. එක්කො yyyy/mm/dd වෙන්න ඕනැ. නැත්තං dd/mm/yyyy වෙන්න ඕනැ.
    ඔවුං එංගලන්තෙන් වෙනස් වෙන්න අමුතු රිති හදාගෙන [ie, mm/dd/yyyy] දැන් මුළු ලෝකෙම උන් වගේ ය හිතනව.

    මං නං ජීවිතේට ලියන්නේ නෑ color, center වගේ වචන වුනත්.

    1. color, center වාගෙ ඉංගිරිසි අකුරු පරණ ඉංගිරිසි. හරියට සිංහලට එලුව වාගේ. ඇමරිකාව තවමත් වෙනස් නොවී පරණ ඉංගිරිසිය පාවිච්චි කරනා අතරවාරයේ , එංගලන්තයේ ඉංගිරිසිය වෙනස් වුනා.

      නදීට හම්බුවෙලා තියෙන ගමන් නිලදාරියෝ කාන්ඩේ කිරි එලුවො ටිකක්. ඇමරිකානු ගමන් බලපත්‍රයේ දිනේ ලියන්නේත් dd/mmm/yy ක්‍රමයට. අඩුම ගානේ දිනේ මුලට. ඇමරිකානු military date ක්‍රමයත් එහෙමයී. සියලුම රාජකාරි දිනයන් ලිවිය යුත්තේත් එහෙමයී.

      කවුරු පටන් ගත්තෑදැයී දන්නේ නැති නමුත්, november 13th ආකාරයට දිනය කීම, ඒ ආකාරයටම ලිවීම නිසා තමයී, මේ අකරතැබ්බය වෙලා තියෙන්නේ.

      හැබැයී හැකි හැම වෙලාවටම mmm ක්‍රමයට මාසය ලිවීමෙන් මේ අවුල වලක්වා ගන්න පුලුවන්.

      1. වෙන රටවල පාවිච්චි කරන ක්‍රම වෙනස් කරන්න අපිට බෑ. ඒත් පාවිච්චියට පහසු ක්‍රමේකට ගමන් බලපත්‍රයෙ දිනේ තියනවනම් වඩාත් පහසුයි.

        ඇමරිකන් පාස්පෝට් එකේ දිනේ ලියන්නෙ dd/mmm/yyyy ක්‍රමයටයි

  2. ISO 8601 අනුව නම් දිනය ලියන්නේ yyyy-mm-dd කියන විදියට.

    මා නිතරම පාවිච්චි කරන්නේ මේක. මූලික හේතුව එතකොට දිනය අනුව අනුපිලිවෙලට සැකැසීම බොහො ම පහසු නිසා, වෙසෙසින් ම යුනික්ස් සුසැටියේ sort අණ යොදාගෙන.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )